JCH-2022ning 1/8 final bosqichida Yaponiya Xorvatiya terma jamoasiga qarshi bahs olib bordi.
Uchrashuvning 43-daqiqasida Maeda yaponiyaliklarni hisobda oldinga olib chiqdi. 55-daqiqada esa Ivan Perishich hisobni tenglashtirdi.
Uchrashuvning asosiy daqiqalarida g‘olib jamoa nomi aniq bo‘lmagach, jamoalar 15 daqiqadan ikki taym o‘yin o‘tkazishdi. Qo‘shimcha bo‘limlarda ham g‘olib jamoa nomi aniqlanmagach, jamoalar penaltilar seriyada o‘z omadlarini sinashdi.
"Lotoreya"da omad Xorvatiya terma jamoasiga kulib boqdi.
Yaponiya – Xorvatiya 1:1 (penaltilar bo‘yicha 1:3)
5 dekabr, 20.00, «Al Janoub Stadium»
Gollar: 1:0 – 43 Maeda, 1:1 – 55 Perishich.
Yaponiya – Gonda, Yosida, Taniguti, Tomiyasu, Nagatomo (Mitoma, 64), Endo, Morita (Tanaka, 105), Kamada (Sakai, 75), Ito, Doan (Minamino, 87), Maeda (Asano, 64).
Xorvatiya – Livakovich, Yuranovich, Lovren, Gvardiol, Barishich, Modrich (Mayer, 99), Kovachich (Vlashich, 99), Brozovich, Perishich (Orshich, 105), Kramarich (Pashalich, 68), Petkovich (Budimir, 62; Livaya, 105).
Penaltilar seriyasi: 1:0, 1:1, 1:2, 1:3.
Ogohlantirishlar: Kovachich (90), Barishich (116).
