Garri Maguayr nomi ko‘pincha salbiy ma’noda ishlatiladi, dunyodagi eng qimmat himoyachilardan birining maydondagi har bir xatosi keskin tanqid qilinadi. Uning salbiy harakatlari Angliya chegaralaridan tashqariga tarqalmoqda.

Xullas, Britaniyaning sobiq mustamlakasi - Gana parlamentida mamlakatning kelasi yil byudjeti muhokamasi chog‘ida to‘satdan Maguayr nomi yangradi. Ma’ruzachilardan biri Adongo o‘zining siyosiy raqibi Maxamudou Bavumiyani "Garri Maguayrga o‘xshab" tutganlikda ayblab, u raqiblar oyog‘i orasidan pas berishini ta’kidladi.

"Agar siz futbol ishqibozi bo‘lsangiz, nima demoqchi ekanligimni tushunasiz. Siz iqtisod Maguayrisiz. Siz ham u kabi raqiblarga pas berasiz. Men sizni iqtisodiy falokat sifatida eslayman", - dedi Adongo.