Гарри Магуайр номи кўпинча салбий маънода ишлатилади, дунёдаги энг қиммат ҳимоячилардан бирининг майдондаги ҳар бир хатоси кескин танқид қилинади. Унинг салбий ҳаракатлари Англия чегараларидан ташқарига тарқалмоқда.
Хуллас, Британиянинг собиқ мустамлакаси - Гана парламентида мамлакатнинг келаси йил бюджети муҳокамаси чоғида тўсатдан Магуайр номи янгради. Маърузачилардан бири Адонго ўзининг сиёсий рақиби Махамудоу Бавумияни "Гарри Магуайрга ўхшаб" тутганликда айблаб, у рақиблар оёғи орасидан пас беришини таъкидлади.
"Агар сиз футбол ишқибози бўлсангиз, нима демоқчи эканлигимни тушунасиз. Сиз иқтисод Магуайрисиз. Сиз ҳам у каби рақибларга пас берасиз. Мен сизни иқтисодий фалокат сифатида эслайман", - деди Адонго.
