“Arsenal” hujumchisi Gabriel Jezus bir kun avval Braziliya terma jamoasi safida tizzasidan jarohat olib, operasiya qilindi. Jezus uch oy yoki undan ko‘proq vaqtni o‘tkazib yuborishi mumkin, shuning uchun "kanonirlar" yanvar oyida hujumchi izlash uchun transfer bozoriga kirishadi.
El Nacional nashri xabariga ko‘ra, "Arsenal" zo‘r hujumchi bilan shartnoma imzolamoqchi. Londonliklarga ideal nomzod - Kodi Gakpo. Gap Niderlandiya terma jamoasi safida jahon chempionatida o‘zini mukammal o‘yinini ko‘rsatayotgan PSV hujumchisi haqida ketmoqda.
Biroq, "Arsenal" jiddiy raqobatga duch kelishi kerak, chunki, 23 yoshli futbolchiga ko‘plab top-klublar, xususan, "Manchester Yunayted" qiziqish bildirmoqda.
