“Арсенал” ҳужумчиси Габриэль Жезус бир кун аввал Бразилия терма жамоаси сафида тиззасидан жароҳат олиб, операция қилинди. Жезус уч ой ёки ундан кўпроқ вақтни ўтказиб юбориши мумкин, шунинг учун "канонирлар" январь ойида ҳужумчи излаш учун трансфер бозорига киришади.
El Nacional нашри хабарига кўра, "Арсенал" зўр ҳужумчи билан шартнома имзоламоқчи. Лондонликларга идеал номзод - Коди Гакпо. Гап Нидерландия терма жамоаси сафида жаҳон чемпионатида ўзини мукаммал ўйинини кўрсатаётган ПСВ ҳужумчиси ҳақида кетмоқда.
Бироқ, "Арсенал" жиддий рақобатга дуч келиши керак, чунки, 23 ёшли футболчига кўплаб топ-клублар, хусусан, "Манчестер Юнайтед" қизиқиш билдирмоқда.