"Yuventus"ning sobiq hujumchisi Krishtianu Ronalduning advokatlari Turin klubining moliyaviy firibgarligi bo‘yicha tergovga doir hujjatlarni so‘rashdi, biroq rad javobi berildi, deb xabar bermoqda Football Italia.
"Yuventus" portugaliyalik hujumchidan 19,9 million yevro qarzdor. Ronaldu 2020-yilda, koronavirus pandemiyasi davrida to‘rt oyga maoshini muzlatishga rozi bo‘lgandi.
O‘tgan hafta "Yuventus" qayta ko‘rib chiqilgan konsolidasiyalangan moliyaviy hisobotni e’lon qildi, ammo unda Ronaldu oldidagi qarz ko‘rinmadi.
2022 yil oxirida "Yuventus" direktorlar kengashi to‘liq iste’foga chiqdi. Ushbu qaror prokuratura tomonidan hisobot berishni buzish faktlarini tekshirish va byudjetni tasdiqlash bilan bog‘liq muammolar bilan bog‘liq. Turinliklar futbolchilarning transfer narxini oshirib ko‘rsatganlikda, shuningdek, xodimlarning maoshlarini kamaytirganlikda va futbolchilarning maoshining haqiqiy hajmini yashirganlikda ayblanmoqda.
