Shvesiya terma jamoasining ayollar darvozaboni Xedvig Lindal futboldagi shartnomalar miqdori, xususan, Saudiyaning «An-Nasr» klubiga o‘tishi kutilayotgan hujumchi Krishtianu Ronalduning bir mavsum uchun ehtimoliy 200 million yevro miqdoridagi maoshini tanqid qildi.
«Dunyoda hech kim bunday pul topmasligi kerak. Lekin bu bozor, transfer bozori. Faqatgina katta pul egalarigina dahshatli miqdorlardagi transferlarni amalga oshira oladi.
Hayotda unchalik omadli bo‘lmaganlar esa bir chekkada qolib ketaveradi. Ronalduga o‘xshagan futbolchilar va uning agentlari biroz kamtar bo‘lishi kerak», — Lindal. Eslatib o‘tamiz, Ronaldu Saudiya klubi bilan bog‘liq mish-mishlarni rad etdi va shaxsiy qarorini JCHdan so‘ng chiqarishini aytdi.
