Швеция терма жамоасининг аёллар дарвозабони Хедвиг Линдаль футболдаги шартномалар миқдори, хусусан, Саудиянинг «Ан-Наср» клубига ўтиши кутилаётган ҳужумчи Криштиану Роналдунинг бир мавсум учун эҳтимолий 200 миллион евро миқдоридаги маошини танқид қилди.
«Дунёда ҳеч ким бундай пул топмаслиги керак. Лекин бу бозор, трансфер бозори. Фақатгина катта пул эгаларигина даҳшатли миқдорлардаги трансферларни амалга ошира олади.
Ҳаётда унчалик омадли бўлмаганлар эса бир чеккада қолиб кетаверади. Роналдуга ўхшаган футболчилар ва унинг агентлари бироз камтар бўлиши керак», — Линдаль. Эслатиб ўтамиз, Роналду Саудия клуби билан боғлиқ миш-мишларни рад этди ва шахсий қарорини ЖЧдан сўнг чиқаришини айтди.
