"Roma" angliyalik himoyachi Kris Smolling bilan shartnomani uzaytirmoqchi. Klub 33 yoshli futbolchini transfer qilishdan manfaatdor bo‘lgan "Inter"ni qo‘rqitish uchun yaqin vaqt ichida kelishuv tafsilotlarini muhokama qilmoqchi.
Gazette Della Sport xabariga ko‘ra, "Roma" futbolchiga maoshi qisqartirilgan holda yangi shartnoma taklif qilgan. Hozirda futbolchi yiliga 3,5 million yevro oladi. Tomonlar o‘rtasidagi amaldagi shartnoma 2023 yilning yozida yakuniga yetadi.
Himoyachi joriy mavsum A Seriyada 15 ta o‘yinda maydonga tushib, 3 ta gol urdi.
