Madridning “Atletiko” klubi hujumchisi Joau Feliks yangi klub izlashda davom etmoqda. Portugaliyalik hujumchi Diyego Simeone boshchiligida o‘ynashni davom ettirmoqchi emas, shu sababdan "matraschilar" uni yanvarda transfer bozoriga qo‘yishga tayyor.
AS jurnalisti Patrisiya Kesonning yozishicha, Feliksga eng ko‘p “Manchester Yunayted” va “PSJ” klublari qiziqish bildirgan. Biroq so‘nggi kunlarda Londonning "Arsenal" jamoasi muzokaralarda oldinga siljidi.
Joriy mavsumda Feliks Ispaniya chempionatida 3 ta gol urdi va 3 ta golli uzatmani amalga oshirdi.
