Italiyaning "Fiorentina" klubi futbolchisi Sofyan Amrabat "Liverpul"ning qiziqish doirasiga tushib qoldi, deya xabar bermoqda Goal.com.

Manbaning xabar berishicha, 26 yoshli futbolchining transferiga mersisaydliklar bosh murabbiyi Yurgen Kloppning shaxsan o‘zi qiziqmoqda. Nemis mutaxassisi yaqinda futbolchi bilan uchrashuv o‘tkazdi. Marokash terma jamoasi Xorvatiya termasi bilan bronza medallari uchun kurashadigan jahon chempionati yakunlanganidan keyin tomonlar muzokaralarni davom ettiradi.

26 yoshli Amrabat 2020 yilning yanvaridan buyon “Fiorentina” safida o‘ynab kelmoqda. Tomonlar o‘rtasidagi shartnoma 2023/2024 yilgi mavsum oxirida yakuniga yetadi. Yarim himoyachining narxi o‘n million yevroga baholanmoqda.