Италиянинг "Фиорентина" клуби футболчиси Софьян Амрабат "Ливерпул"нинг қизиқиш доирасига тушиб қолди, дея хабар бермоқда Goal.com.

Манбанинг хабар беришича, 26 ёшли футболчининг трансферига мерсисайдликлар бош мураббийи Юрген Клоппнинг шахсан ўзи қизиқмоқда. Немис мутахассиси яқинда футболчи билан учрашув ўтказди. Марокаш терма жамоаси Хорватия термаси билан бронза медаллари учун курашадиган жаҳон чемпионати якунланганидан кейин томонлар музокараларни давом эттиради.

26 ёшли Амрабат 2020 йилнинг январидан буён “Фиорентина” сафида ўйнаб келмоқда. Томонлар ўртасидаги шартнома 2023/2024 йилги мавсум охирида якунига етади. Ярим ҳимоячининг нархи ўн миллион еврога баҳоланмоқда.