Ла Лига президенти Хавьер Тебас ФИФАнинг 2030 йилги Жаҳон чемпионатини 64 та жамоага кенгайтириш режаси ҳақида фикр билдирди.
"Биз тақвим бўйича бир неча бор хавотир билдирдик ва энди улар Жаҳон чемпионатини 64 та жамоага кенгайтиришни хоҳлашмоқда. Менимча, Инфантинонинг вақти тугади. Лекин уни тизим ва федерациялар қўллаб-қувватлайди, шунинг учун бошқа айтадиган гап йўқ.
Бу тизим тубдан чириган. Бу шундай давом этиши мумкин эмас, лекин ҳозирги вазиятда Инфантино кетмайди. Мен Инфантинога қарши бўлган кўп одамлардан эшитганман, лекин улар ҳеч нарса қилишмаяпти. Билмадим, нима ёмонроқ: сукут сақлашми ёки шерикликми. Жим турганлар унинг футболга қанчалик зарар етказаётганини аниқ билишади" - деди Тебас The Touchline билан суҳбатда.
