Ruy Vitoriya Portugaliya terma jamoasini boshqarishi mumkin.
Esporte ao Minuto nashri xabariga ko‘ra, 52 yoshli mutaxassis Portugaliya futbol federasiyasi (FPF) tomonidan tuzilgan Portugaliya terma jamoasi bosh murabbiyligiga davogarlar ro‘yxatiga kiritilgan.
Hozirda Misr terma jamoasi bilan ishlayotgan Vitoriya FPF rahbari Fernando Gomesh bilan yaqin munosabatlarga ega. Qolaversa, Ruyning xislatlari federasiya talablariga javob beradi – u katta tajribaga ega, u kuboklarni qo‘lga kiritgan, boshqa mamlakatlarda ham, Portugaliyada ham ishlagan.
Qayd etilishicha, Portugaliya terma jamoasi bosh murabbiyligiga nomzodlar qatorida Vitoriyadan tashqari Jorje Jezus, Ruy Jorje, Paulu Bentu, Karlush Keyrush, Paulo Souza va Joze Mourinyo ham bor.
Portugaliya JCH-2022dan chorak final bosqichida Marokashga yutqazib (0:1), turnirni tark etdi. Fernandu Santush yaqin kunlarda terma jamoa bosh murabbiyligidan ketishi kutilmoqda.
