Руй Витория Португалия терма жамоасини бошқариши мумкин.

Esporte ao Minuto нашри хабарига кўра, 52 ёшли мутахассис Португалия футбол федерацияси (FPF) томонидан тузилган Португалия терма жамоаси бош мураббийлигига давогарлар рўйхатига киритилган.

Ҳозирда Миср терма жамоаси билан ишлаётган Витория FPF раҳбари Фернандо Гомеш билан яқин муносабатларга эга. Қолаверса, Руйнинг хислатлари федерация талабларига жавоб беради – у катта тажрибага эга, у кубокларни қўлга киритган, бошқа мамлакатларда ҳам, Португалияда ҳам ишлаган.

Қайд этилишича, Португалия терма жамоаси бош мураббийлигига номзодлар қаторида Виториядан ташқари Жорже Жезус, Руй Жорже, Паулу Бенту, Карлуш Кейруш, Пауло Соуза ва Жозе Моуриньо ҳам бор.

Португалия ЖЧ-2022дан чорак финал босқичида Марокашга ютқазиб (0:1), турнирни тарк этди. Фернанду Сантуш яқин кунларда терма жамоа бош мураббийлигидан кетиши кутилмоқда.