"Yuventus", "Milan" va "Roma" klublari "Shaxtyor"ning braziliyalik yarim himoyachisi, hozirda "Lion"da ijara asosida o‘ynayotgan Tetega qiziqish bildirmoqda, deb xabar beradi Calciomercato.
Manbaning xabariga ko‘ra, Italiya klublari qishki transfer oynasida futbolchini sotib olish variantini ko‘rib chiqmoqda. Futbolchini arzimagan summaga sotib olish mumkin, chunki uning "konchilar" bilan shartnomasi 2023 yilning 31 dekabrida tugaydi.
23 yoshli Tete joriy mavsumda “Lion” safida 13 ta o‘yinda maydonga tushib, 5 ta gol urdi va 3 ta golli uzatmani amalga oshirdi.
