Bugun yilning asosiy futbol uchrashuvi - Jahon chempionati finali bo‘lib o‘tadi. Argentina va Fransiya terma jamoalari uzoq yo‘lni bosib o‘tishdi va munosib ravishda kubokdan bir qadam uzoqda turishibdi. Agar siz Kilian Mbappe va uning sheriklarini chin dildan sevsangiz, sizga bu matn yoqmasligi mumkin. Chunki bu maqolada argentinaliklar jahon chempioni bo‘lishsa to‘g‘ri bo‘lishini isbotlaymiz.
1-sabab: Lionel Messi
Asosiysidan boshlaylik. Ehtimol, tarixdagi eng yaxshi futbolchi hozir 35 yoshda va bu jahon chempionati uning faoliyatidagi so‘nggisi ekanligini allaqachon e’lon qilgan. Leo kolleksiyasida hozircha bitta sovrin – eng muhimi yo‘q. Ya’ni Messi haqiqiy qirol kabi ketishi mumkin. Va eng muhimi, u bunga loyiqdir.
Agar Argentina Saudiya Arabistoniga sensasion tarzda mag‘lub bo‘lgan birinchi o‘yinda Messi uchun hammasi teskari bo‘lsa, keyingi o‘yinlar bu Leoning turniri ekanligini ko‘rsatdi. U bitta uchrashuvdan tashqari barcha uchrashuvlarda gol urdi va qo‘shimcha ravishda uchta uchrashuvda golli uzatmani amalga oshirdi. Jami: Oltita o‘yinda “gol+pas” bo‘yicha 5+3. Ha, Messi penaltidan uchta gol urdi, ammo Leoning o‘yinini bu baholab bermaydi.
Umuman olganda, Argentinaning finalga chiqishi taqdir taqozosi bilan yozilgan narsaga o‘xshaydi. Messi 2014 yilda jahon chempionligini qo‘lga kirita olmadi va endi ikkinchi imkoniyatga ega bo‘lmoqda. Bu film baxtli bilan yakunlanishi kerak!
2-sabab: Voqealar rivoji
Jamoaning g‘alabasi muxlislariga zavq bag‘ishlaydi. Agar Fransiya terma jamoasiga muxlislik qilmasangiz, ketma-ket ikkinchi chempionlik sizga hech qanday hissiyot olib kelmaydi. Ha, biz fransuzlar jarohatlarning epidemiyasi oldida ham ustunlik qilishini bilib oldik. Kilian Mbappe esa 23 yoshida ikki karra jahon chempioniga aylanadi.
Hozirgi fransuz jamoasi hayratlanarli darajada kuchli, ammo uning g‘alabasi barcha mumkin bo‘lgan eng noromantik natija bo‘ladi. Bu jamoa-mashina g‘alabasi bo‘ladi. Balki hamma ham Argentinaga hamdard bo‘lishga tayyor emasdir, lekin Messi omili va fransuzlarning gegemonligi bu tanlovni biroz osonlashtiradi. Va oldinda yana bir argument bor.
3- sabab: Muxlislar
Qatardagi jahon chempionatida fransuz muxlislari haqida biror narsa eshitdingizmi? Biz ham yo‘q. Ya’ni, ular bor, albatta, lekin bu sezilmadi. Ammo argentinalik muxlislar an’anaga ko‘ra e’tiborni tortdi. Bu odamlar Diyego Maradonadan keyin o‘z jamoasining birinchi chempionligini ko‘rish umidida bir jahon chempionatidan ikkinchisigacha kutib yashaydi.
Qatarda boshqa yorqin muxlislar bor, lekin hech kim argentinaliklar bilan tenglasha olmaydi. Finalga hissiyotlar kerak, argentinaliklar esa bunga kafolat beradi.
Bilasizmi, jahon chempionatining eng yaxshi muxlislarining sarguzashtlari drama va ko‘z yoshlar bilan yakunlansa, bu eng katta adolatsizlik bo‘ladi. Janubiy Amerikaning emosionalligini hisobga olsak, Argentinaning mag‘lubiyati shunday oqibatlarga olib keladi. Muxlislar butun turnir davomida Messi va uning sheriklariga yordam berishdi. Final xuddi shunday bo‘ladi, lekin o‘yinchilar hali ham yaxshilikni qaytarishlari kerak va bunga loyiq bo‘lgan o‘n minglab odamlarni xursand qilishlari kerak.
