Argentina terma jamoasi sardori Lionel Messi jahon chempionatida eng ko‘p o‘yin o‘tkazish bo‘yicha Germaniya terma jamoasining sobiq futbolchisi Lotar Matteusning rekordini yangiladi.
Messi Argentina terma jamoasini Qatarda bo‘lib o‘tayotgan jahon chempionati finalida Fransiyaga qarshi o‘yinni asosiy tarkibda boshladi. "Oltin to‘p"ning yetti karra g‘olibi uchun bu uchrashuv jahon chempionatidagi 26-uchrashuv bo‘ldi.
Fransiyaga qarshi o‘yinning 23-daqiqasida Messi jahon chempionatida o‘ynagan daqiqalar bo‘yicha yangi rekord o‘rnatdi (2217), Italiya terma jamoasining sobiq himoyachisi Paolo Maldinida 2216 daqiqa bor.
