Аргентина терма жамоаси сардори Лионель Месси жаҳон чемпионатида энг кўп ўйин ўтказиш бўйича Германия терма жамоасининг собиқ футболчиси Лотар Маттеуснинг рекордини янгилади.
Месси Аргентина терма жамоасини Қатарда бўлиб ўтаётган жаҳон чемпионати финалида Францияга қарши ўйинни асосий таркибда бошлади. "Олтин тўп"нинг етти карра ғолиби учун бу учрашув жаҳон чемпионатидаги 26-учрашув бўлди.
Францияга қарши ўйиннинг 23-дақиқасида Месси жаҳон чемпионатида ўйнаган дақиқалар бўйича янги рекорд ўрнатди (2217), Италия терма жамоасининг собиқ ҳимоячиси Паоло Мальдинида 2216 дақиқа бор.
