Avstraliyalik futbolchi Jeyson Kammings Fransiyaga qarshi o‘yindan so‘ng raqibning biror bir hujumchisini libosini olishga harakat qilgani haqida gapirdi.
"Men Mbappening formasini olishga harakat qildim. Kiyinish xonasiga borishimni aytdi. Men shunday qildim va u yerda bitta odam turgan ekan, men unga futbolkamni berdim, 10 daqiqadan so‘ng u libosni qaytarib olib chiqdi va: “Yo‘q, Mbappe libos almashtirishni xohlamayapti” - dedi.
Kiyinish xonamizga qaytayotganimda Jiruni ko‘rdim. Men: "Jiru, iltimos, men sizning muxlisingizman, menga futbolka bera olasizmi?" U esa ingliz tilini tushunmagandek, yonimdan o‘tib ketdi. U 10 yil davomida Premyer-ligada o‘ynadi. Qanday qilib ingliz tilini tushunmasligi mumkin?" - dedi Kammings The Project bilan suhbatda.
