Cheslav Mixnevich Polsha terma jamoasi bosh murabbiyligidan ketdi. Polshaning Interia portali xabariga ko‘ra, mamlakat futbol ittifoqi qarorida hujumchi Robert Levandovskining “qo‘li bor”.

Manba bergan xabarga ko‘ra, terma jamoa jahon chempionatiga jo‘nab ketishidan oldin ham terma jamoa sardori va Polsha futbol ittifoqi rahbari Sezariy Kulesha o‘rtasida suhbat bo‘lib o‘tgan. Yo‘l-yo‘lakay Levandovski funksionerga jamoa pozisiyasini yetkazdi. Aksariyat futbolchilar Mixnevich bilan terma jamoada ishlashni davom ettirishni istashmadi. Bu muhim omilga aylandi.

Eslatib o‘tamiz, Qatarda bo‘lib o‘tgan jahon chempionatida Polsha terma jamoasi 1/8 finalga chiqdi va u yerda Frantsiyaga 1:3 hisobida mag‘lub bo‘ldi.