Чеслав Михневич Польша терма жамоаси бош мураббийлигидан кетди. Польшанинг Interia портали хабарига кўра, мамлакат футбол иттифоқи қарорида ҳужумчи Роберт Левандовскининг “қўли бор”.
Манба берган хабарга кўра, терма жамоа жаҳон чемпионатига жўнаб кетишидан олдин ҳам терма жамоа сардори ва Польша футбол иттифоқи раҳбари Цезарий Кулеша ўртасида суҳбат бўлиб ўтган. Йўл-йўлакай Левандовски функционерга жамоа позициясини етказди. Аксарият футболчилар Михневич билан терма жамоада ишлашни давом эттиришни исташмади. Бу муҳим омилга айланди.
Эслатиб ўтамиз, Қатарда бўлиб ўтган жаҳон чемпионатида Польша терма жамоаси 1/8 финалга чиқди ва у ерда Франтсияга 1:3 ҳисобида мағлуб бўлди.
