"Chelsi" akademiyasi yigirma birinchi asrning eng yaxshilaridan biri sanaladi. U yerda ko‘plab yulduzlar tarbiya topgan. Yaqin yillar ichida ham bu ish davom etib kelmoqda. Quyida Yilning eng yaxshi akademiya o‘yinchisi nomiga loyiq topilgan "Chelsi" tarbiyalanuvchilari haqida so‘z boradi.
2015: Dominik Solanke
Hujumchi 2014-2015 yillarda ajoyib o‘yin ko‘rsatib, 41 gol urishga erishadi. Shu sabab, eng yaxshilar qatorida e’tirof etiladi. 2017 yilda Solanke "Liverpul"ga sotib yuboriladi. U yerdagi bir muddatlik faoliyatidan keyin "Bornmut"ga, 19 million funt evaziga transfer qilinadi.
2016: Fikayo Tomori
Tomori "Chelsi" yoshlari safida UYEFA musobaqasida zafar quchadi. Shundan keyin uning nomi tanila boshladi. 2017 yilda himoyachi "Brayton"ga ijaraga beriladi. Keyingi mavsumlar u uchun "Xall Siti" va "Derbi Kaunti"da kechdi. 2020-21 yilgi mavsum yarmida Tomori "Milan"ga ijaraga o‘tdi. Chunki uning "Chelsi"dagi o‘rni Tiagu Silva tomonidan egallab olingandi. Keyingi mavsumdan u 25 million evaziga doimiy milanliklar vakiliga aylandi va Italiya chempionligini qo‘lga kiritdi.
2017: Meyson Mount
Mount avvaldan "Chelsi" yoshlari safida sardor sifatida o‘zini namoyon qilgandi. Angliyaning 19 yoshgacha bo‘lgan jamoasi safida Yevropa chempioniga aylanadi. U ham Tomori singari "Derbi Kaunti"da ijarada o‘ynab keldi va jamoasi bilan yangi 5 yillik shartnoma tuzdi. Hozirda Mountning "Chelsi" asosiy jamoasidagi uchinchi mavsumi ketmoqda. Hozircha Grem Potter uni rejalariga kiritgan.
2018: Ris Jeyms
Jeyms "Chelsi" akademiyasining eng yaxshi fubolchisi maqomiga 2018 yilda erishgandi. "Uigan Atletik"dagi ikki yillik ijara davri yosh himoyachiga ko‘p narsa o‘rgatdi. U 2020 yilning yanvarida uzoq muddatlik bitimga imzo chekdi. "Chelsi" Jeymsning ajoyib o‘yinlari bilan YECHL g‘olibligiga erishadi.
2019: Konor Gallaxer
Gallaxer hozir ham asosiy tarkibda emas. Ammo "Charlton", "Suonsi" va "Kristal Pelas"da ajoyib ravishda harakat qilisha erishgan. Shu sababli Garet Sautgeytning milliy terma jamoasiga chaqiruv oldi. Ayni damda 22 yoshli yarim himoyachi Potter jamoasida zaxirada turibdi.
ISMATOV J.
