Ispaniyaning “Barselona” klubi sobiq futbolchisi Andres Inyesta Serxio Busketsning Ispaniya terma jamoasidagi faoliyatini yakunlash haqidagi qaroridan ajablanmaganini tan oldi.
“Men uning qaroridan hayratda qoldimmi? Yo‘q, hayron bo‘lmadim, men u bilan juda yaxshi munosabatdaman, biz shunday narsalarni gaplashamiz. Shuningdek, uning yoshi va terma jamoada bo‘layotgan barcha o‘zgarishlarni hisobga olsak... U kelajakda o‘zini jamoada ko‘rmasligini his qildi", - deya Inyestaning so‘zlarini keltiradi Marca.
