Argentina terma jamoasi va «Brayton» yarim himoyachisi Aleksis Makallister faoliyatini «Chelsi», «Atletiko» yoki «Arsenal»da davom ettirishi mumkin, deydi jurnalist Gaston Edul.

Manbaga ko‘ra, top-klublarning argentinalik yarim himoyachiga qiziqishi uning Qatarda bo‘lib o‘tgan JCH-2022dagi o‘yinidan so‘ng paydo bo‘lgan. Makkallister Jahon chempionatining oltita o‘yinida maydonga tushib, bitta gol urdi va yana shuncha golli uzatmani amalga oshirdi.

24 yoshli yarim himoyachi 2020 yilning yanvaridan buyon «Brayton»da to‘p tepadi, ingliz klubi bilan shartnoma 2025 yilgacha amal qiladi.

Joriy mavsum Makkallister «Brayton» safida barcha musobaqalarda 14 ta o‘yinda maydonga tushib, 5 ta gol urdi. Transfermarkt ma’lumotlariga ko‘ra futbolchining narxi 42 million yevroni tashkil qiladi.