Аргентина терма жамоаси ва «Брайтон» ярим ҳимоячиси Алексис Макаллистер фаолиятини «Челси», «Атлетико» ёки «Арсенал»да давом эттириши мумкин, дейди журналист Гастон Эдуль.
Манбага кўра, топ-клубларнинг аргентиналик ярим ҳимоячига қизиқиши унинг Қатарда бўлиб ўтган ЖЧ-2022даги ўйинидан сўнг пайдо бўлган. Маккаллистер Жаҳон чемпионатининг олтита ўйинида майдонга тушиб, битта гол урди ва яна шунча голли узатмани амалга оширди.
24 ёшли ярим ҳимоячи 2020 йилнинг январидан буён «Брайтон»да тўп тепади, инглиз клуби билан шартнома 2025 йилгача амал қилади.
Жорий мавсум Маккаллистер «Брайтон» сафида барча мусобақаларда 14 та ўйинда майдонга тушиб, 5 та гол урди. Трансфермаркт маълумотларига кўра футболчининг нархи 42 миллион еврони ташкил қилади.
