Butunrossiya futbolchilari kasaba uyushmasi (OPSF) bosh direktori Aleksandr Zotov FIFAning Rossiya klublarining 10 nafar sobiq futbolchisiga tovon puli to‘lashga qaror qilganini ma’lum qildi.

«Bugun yigitlarning kasaba uyushmasi orqali yuborgan arizalari qanoatlantirilganligi haqida FIFAning fond rahbarlaridan xatlar kela boshladi. Bu yangi yil uchun yaxshi yangilik», - deya Zotov so‘zlarini keltiradi RB Sport.

Avvalroq FIFA fondi Rossiya klublarining professional maqomini yo‘qotib, bankrot bo‘lgan futbolchilariga to‘lovlarni amalga oshirgandi.

Bu futbolchilar Pavel Pogrebnyak, Yuriy Dyupin, Yevgeniy Frolov, Aleksandr Salugin, Yanush Gol, Petar Zanev, Mladen Kashchelan va boshqalar edi.

So‘nggi yillarda Rossiyada bir nechta klublar, jumladan, «Tambov», «Amkar», «Kuban», «Tosno», «Salyut», «Avangard» o‘z faoliyatini to‘xtatdi. Bu jamoalar har biri futbolchilariga maoshlarning bir qismini to‘lamay, bankrot bo‘ldi.