«Manchester Siti» yarim himoyachisi Bernardu Silva chempionlik uchun kurashda «shaharliklar» asosiy raqibining saviyasi haqida gapirdi.

Ayni damda «kanonirlar» Angliya Premyer-ligasining 15-turidan so‘ng 40 ochko bilan turnir jadvalida peshqadamlik qilmoqda. Ikkinchi o‘rinda borayotgan «Manchester Siti» hisobida 35 ochko bor.

«Men uchun «Arsenal»ning ajoyib natijalari qo‘rqinchli tuyulmayapti. Mikel Artetani murabbiy sifatida yaxshi bilaman va u o‘z sohasida qanchalik yaxshi ekanini, o‘yinni qanchalik chuqur anglashini bilaman.

Hozir biz «Arsenal»dan 5 ochko ortda qolyapmiz, ammo bundan vahima sezmayapman. Oldinda ko‘plab o‘yinlar bor», - dedi Silva klub kanaliga bergan intervyusida.