«Манчестер Сити» ярим ҳимоячиси Бернарду Силва чемпионлик учун курашда «шаҳарликлар» асосий рақибининг савияси ҳақида гапирди.
Айни дамда «канонирлар» Англия Премьер-лигасининг 15-туридан сўнг 40 очко билан турнир жадвалида пешқадамлик қилмоқда. Иккинчи ўринда бораётган «Манчестер Сити» ҳисобида 35 очко бор.
«Мен учун «Арсенал»нинг ажойиб натижалари қўрқинчли туюлмаяпти. Микель Артетани мураббий сифатида яхши биламан ва у ўз соҳасида қанчалик яхши эканини, ўйинни қанчалик чуқур англашини биламан.
Ҳозир биз «Арсенал»дан 5 очко ортда қоляпмиз, аммо бундан ваҳима сезмаяпман. Олдинда кўплаб ўйинлар бор», - деди Силва клуб каналига берган интервьюсида.
