Англиянинг "Ливерпуль" клуби "Реал" собиқ бош мураббии Хаби Алонсони жамоага таклиф этиш имкониятларини кўриб чиқмоқда.

Журналист Хосе Феликс Диаснинг хабар беришича, мерсисайдликлар ҳозирча испаниялик мутахассисни тайинлаш борасида бир қарорга келгани йўқ ва бу борада маълум шубҳалар мавжуд. "Қизиллар" раҳбарияти Мадрид клуби мутасаддиларининг Алонсо ҳақидаги фикрини билиш мақсадида "қаймоқранглилар" билан бевосита боғланган.

Қайд этилишича, "Ливерпуль" мураббийнинг "Реал"даги иш фаолияти, унинг услуби ва Мадрид клуби раҳбарияти у ҳақида қандай фикрда эканлиги билан қизиқмоқда.

Эслатиб ўтамиз, Хаби Алонсо 2025 йилнинг ёзидан 2026 йилнинг январига қадар "Реал" бош мураббийи сифатида фаолият юритган. Профессионал футболчилик фаолияти давомида эса испаниялик ярим ҳимоячи ҳам "Ливерпуль", ҳам "Реал" шарафини ҳимоя қилган.