Madridning «Real» klubi vingeri Marko Asensio yaqinda muddati tugaydigan shartnomasini uzaytirib, klubda qolmoqchi.

26 yoshli futbolchining shartnomasi 6 oydan keyin yakuniga yetadi. Asensioning «Real»dagi keyingi taqdiri dekabr oyi oxiriga qadar hal bo‘lishi kutilgandi, ammo haligacha kelishuvga erishilgani yo‘q.

Diario AS xabariga ko‘ra, ispaniyalik futbolchi asosiy tarkibga kirib, murabbiylar shtabiga muntazam o‘ynashga yaroqli ekanligini isbotlay olishiga ishonmoqda.

Futbolchi «qaymoqranglilar» rahbariyatini o‘z o‘yini orqali yangi shartnoma taklif qilinishiga ko‘ndirishga umid qilmoqda.

Mish-mishlarga ko‘ra, Marko Asensioga «Barselona», «Manchester Yunayted» va «PSJ» qiziqish bildirmoqda. Transfermarkt vingerni 25 million yevroga baholagan.