Мадриднинг «Реал» клуби вингери Марко Асенсио яқинда муддати тугайдиган шартномасини узайтириб, клубда қолмоқчи.
26 ёшли футболчининг шартномаси 6 ойдан кейин якунига етади. Асенсионинг «Реал»даги кейинги тақдири декабрь ойи охирига қадар ҳал бўлиши кутилганди, аммо ҳалигача келишувга эришилгани йўқ.
Diario AS хабарига кўра, испаниялик футболчи асосий таркибга кириб, мураббийлар штабига мунтазам ўйнашга яроқли эканлигини исботлай олишига ишонмоқда.
Футболчи «қаймоқранглилар» раҳбариятини ўз ўйини орқали янги шартнома таклиф қилинишига кўндиришга умид қилмоқда.
Миш-мишларга кўра, Марко Асенсиога «Барселона», «Манчестер Юнайтед» ва «ПСЖ» қизиқиш билдирмоқда. Трансфермаркт вингерни 25 миллион еврога баҳолаган.
