«Liverpul» hujumchisi Darvin Nunyes Angliyaga ko‘chib o‘tganidan so‘ng bir qator muammolarga duch keldi.
23 yoshli urugvaylik futbolchi APLning joriy mavsumida 12 ta o‘yinda maydonga tushib, 5 ta gol urdi. Opta ma’lumotlariga ko‘ra, Nunyes Yevropaning kuchli o‘n ligasidagi o‘yinchilar orasida (maydonda 500 va undan ko‘p daqiqa o‘ynagan) darvoza tomon eng ko‘p zarba yo‘llagan - har bir o‘yinda 6 ta zarba, biroq kiritilgan gollar soni bo‘yicha esa atigi 99-o‘rinda.
Darvin Nunyes o‘tgan yozda «Liverpul»ga «Benfika»dan 80 million yevro evaziga ko‘chib o‘tgandi. O‘tgan mavsumda hujumchi lissabonliklar safida barcha musobaqalarda 41 ta o‘yinda maydonga tushib, 34 ta gol urishga muvaffaq bo‘ldi.
