«Ливерпуль» ҳужумчиси Дарвин Нуньес Англияга кўчиб ўтганидан сўнг бир қатор муаммоларга дуч келди.

23 ёшли уругвайлик футболчи АПЛнинг жорий мавсумида 12 та ўйинда майдонга тушиб, 5 та гол урди. Opta маълумотларига кўра, Нуньес Европанинг кучли ўн лигасидаги ўйинчилар орасида (майдонда 500 ва ундан кўп дақиқа ўйнаган) дарвоза томон энг кўп зарба йўллаган - ҳар бир ўйинда 6 та зарба, бироқ киритилган голлар сони бўйича эса атиги 99-ўринда. 

Дарвин Нуньес ўтган ёзда «Ливерпул»га «Бенфика»дан 80 миллион евро эвазига кўчиб ўтганди. Ўтган мавсумда ҳужумчи лиссабонликлар сафида барча мусобақаларда 41 та ўйинда майдонга тушиб, 34 та гол уришга муваффақ бўлди.