"Nissa" yarim himoyachisi Mario Lemina faoliyatini "Vulverxempton"da davom ettirishi mumkin, deya xabar beradi jurnalist Saber Desfarj.
Manbaga ko‘ra, ingliz klubi rahbariyati 5 million yevrolik taklif bilan chiqqan, biroq u rad etilgan. "Vulverxempton" 29 yoshli gabonlik uchun kurashni davom ettiradi.
Lemina 2021 yilda "Sautgempton"dan "Nissa"ga ko‘chib o‘tgandi. Uning amaldagi shartnomasi 2024 yilning 30 iyuniga qadar amal qiladi. Transfermarkt portali futbolchining narxini 7 million yevroga baholamoqda.
Joriy mavsumda yarim himoyachi “Nissa” safida barcha turnirlar doirasida 19 ta o‘yinda maydonga tushib, 1 ta gol urdi va 1 ta golli uzatmani amalga oshirdi.
