"Ницца" ярим ҳимоячиси Марио Лемина фаолиятини "Вулверхэмптон"да давом эттириши мумкин, дея хабар беради журналист Сабер Десфарж.
Манбага кўра, инглиз клуби раҳбарияти 5 миллион евролик таклиф билан чиққан, бироқ у рад этилган. "Вулверхэмптон" 29 ёшли габонлик учун курашни давом эттиради.
Лемина 2021 йилда "Саутгемптон"дан "Ницца"га кўчиб ўтганди. Унинг амалдаги шартномаси 2024 йилнинг 30 июнига қадар амал қилади. Transfermarkt портали футболчининг нархини 7 миллион еврога баҳоламоқда.
Жорий мавсумда ярим ҳимоячи “Ницца” сафида барча турнирлар доирасида 19 та ўйинда майдонга тушиб, 1 та гол урди ва 1 та голли узатмани амалга оширди.
