"Shaxtyor" yarim himoyachisi Mixaylo Mudrik "Arsenal" bilan shartnoma shartlari bo‘yicha kelishib oldi, dedi jurnalist Nikolo Skira.

Manbaga ko‘ra, tomonlar besh yillik shartnoma bo‘yicha kelishib olgan. Klublar o‘rtasida ehtimoliy transfer borasida ham muzokaralar davom etmoqda.

Avvalroq, "Arsenal" "Shaxtyor"ga Mudrik transferi bo‘yicha ikkinchi va yaxshilangan taklif bilan chiqqani xabar qilingandi. So‘rovning moliyaviy tafsilotlari hozircha oshkor etilmagan.

Eslatib o‘tamiz, "kanonirlar"ning birinchi taklifi bonuslar bilan birga 55 million funt sterling edi. "Shaxtyor" 85 million funt talab qilib, buni rad etdi.

21 yoshli futbolchi joriy mavsumda “konchilar” safida 18 ta o‘yinda maydonga tushib, 10 ta gol urdi va 8 ta golli uzatmani amalga oshirdi.