“An-Nasr”ning o‘zbekistonlik hujumchisi Jaloliddin Masharipov hujumchi Krishtianu Ronaldu uchun yettinchi raqamdan voz kechishni istamadi, deb yozmoqda 9sportpro.

Manbaning xabariga ko‘ra, Masharipov portugaliyalikga yettinchi raqamni berishni istamagan, shuning uchun "An-Nasr" u bilan shartnomani bekor qilmoqchi yoki uni transferga qo‘ymoqchi.

Klub prezidenti Musalli Al Muammar esa bu ma’lumotni rad etdi.

“Jaloliddinning raqamini almashtirish uning boshqa jamoaga omadsiz transferining natijasi bo‘ldi. Avvaliga hammasi hal bo‘lgandi, lekin oxirida Masharipov birdan qolishni iltimos qildi. Ammo uning 7-raqamli libosi boshqa futbolchi uchun saqlangan. Masharipov endi yangi raqamga ega. U xursandchilik bilan 77-raqamli ko‘ylakni oldi, - dedi riyodliklar prezidenti.

Dekabr oyi boshida Masharipov Ronaldu “An-Nasr”ga o‘tsa, yettinchi raqamni berishga tayyorligini ma’lum qilgandi. U jamoada 2021 yildan buyon o‘ynab kelmoqda.

Oldinroq Ronaldu "An-Nasr"da murabbiy almashtirish huquqiga ega bo‘lishi haqida xabar berilgandi.

30 dekabr kuni portugaliyalik futbolchi Saudiya klubi bilan shartnoma imzoladi. Uning Saudiya Arabistoni klubi bilan shartnomasi 2025 yilning yoziga qadar mo‘ljallangan.