"Brayton" yarim himoyachisi Aleksis Makallister klubini almashtirishga shoshilmasligini aytdi.
24 yoshli MakAllister Argentinaning Qatardagi jahon chempionatida g‘alaba qozonishida muhim rol o‘ynadi, shundan so‘ng matbuot darhol Aleksisni "Arsenal", "Chelsi" va "Yuventus" kabi yirik klublar bilan bog‘lashni boshladi.
Biroq, Makallister oktyabr oyida "Brayton" bilan 2025 yilgacha yangi shartnoma imzoladi va hozircha Aleksis "Brayton" tarkibida o‘ynashni davom ettirishni rejalashtirmoqda.
"Men bu hikoyalarning barchasini ko‘p o‘qimaslikka harakat qilaman. Men har doim bu yerda baxtli ekanligimni va ketishga shoshilmasligimni aytganman. Men o‘zimni juda yaxshi his qilyapman, bu klubdan juda minnatdorman. Jamoadoshlarim va bu yerda ishlayotgan barcha odamlardan minnatdorman. Men bor e’tiborimni keyingi o‘yinga va klubga qaratganman.
Bu bizning klubda yaxshi o‘yinchilar bor yaxshi jamoa borligini bilamiz. Biz og‘ir ligadamiz va bu biz uchun qiyin bo‘ladi, lekin biz mavsumni yuqoriroq o‘rinda yakunlashga harakat qilamiz", - dedi Makallister Albion TV bilan suhbatda.
