Londonning "Arsenal" klubi "Shaxtyor" hujumchisi Mixail Mudrikni sotib olish uchun yangi taklif tayyorlamoqda. "Kanonirlar" 21 yoshli ukrainalik futbolchi uchun 70 million yevro to‘lamoqchi, deb yozmoqda jurnalist Nikolo Shkira Twitter sahifasida. Mudrikning o‘zi bilan 5 yillik shartnoma allaqachon kelishib olindi.
Avvalroq Mudrik faoliyatini hamyurti Aleksandr Zinchenko to‘p tepadigan "Arsenal"da davom ettirish niyatida ekani aytilgandi. Agar transfer amalga oshmasa, Mudrik "Chelsi"ning taklifini ko‘rib chiqadi.
Joriy mavsumda Mudrik “Shaxtyor” safida 18 ta o‘yinda maydonga tushib, 10 ta gol urdi va 8 ta golli uzatmani amalga oshirdi.
