Лондоннинг "Арсенал" клуби "Шахтёр" ҳужумчиси Михаил Мудрикни сотиб олиш учун янги таклиф тайёрламоқда. "Канонирлар" 21 ёшли украиналик футболчи учун 70 миллион евро тўламоқчи, деб ёзмоқда журналист Николо Шкира Twitter саҳифасида. Мудрикнинг ўзи билан 5 йиллик шартнома аллақачон келишиб олинди.
Аввалроқ Мудрик фаолиятини ҳамюрти Александр Зинченко тўп тепадиган "Арсенал"да давом эттириш ниятида экани айтилганди. Агар трансфер амалга ошмаса, Мудрик "Челси"нинг таклифини кўриб чиқади.
Жорий мавсумда Мудрик “Шахтёр” сафида 18 та ўйинда майдонга тушиб, 10 та гол урди ва 8 та голли узатмани амалга оширди.
