АПЛнинг икки етакчи клуби Мадриднинг «Реал» жамоаси ярим ҳимоячисига қизиқиш билдирмоқда.

CaughtOffside нашри манбаларига кўра, «Манчестер Юнайтед» ва «Ливерпуль» вакиллари Орельен Тчуамени атрофидаги вазиятни диққат билан кузатиб бормоқда.

Қайд этилишича, 26 ёшли француз футболчисининг «Реал»даги келажаги ҳозирча ноаниқ бўлиб қолмоқда. Бунга сабаб — келаси мавсумда «қаймоқранглар»ни ким бошқариши ҳали аниқ эмаслиги.

Ушбу мавсумда Орельен Тчуамени «Реал» сафида барча мусобақаларда 45 та учрашувда иштирок этиб, 2 та гол ва 2 та голли узатма амалга оширди. Transfermarkt порталига кўра, унинг бозордаги трансфер қиймати 75 миллион евро деб баҳоланмоқда.