«Ливерпуль» «ПСЖ»нинг икки қанот ҳужумчиси — Брэдли Баркола ва Ибраима Мбайени қўлга киритиш учун асосий даъвогар бўлиб қолмоқда.

Журналист Ромен Колле-Годен маълумотига кўра, «ПСЖ» 23 ёшли франциялик Баркола ва 18 ёшли сенегаллик Мбайени «Ливерпуль»га жами 175 млн евро эвазига сотишга тайёр.

Шу билан бирга, Баркола «Ливерпуль» билан оғзаки келишувга эришганига қарамай, «Арсенал» ҳам футболчи учун курашдан чиққан эмас.

Аввалроқ «ПСЖ» Брэдли Баркола ва Ибраима Мбайе трансферларидан жами 200 млн евро атрофида маблағ ишлаб олишни режалаштираётгани ҳақида хабарлар тарқалган эди.

Transfermarkt портали Барколанинг бозор қийматини 90 млн евро, Мбайени эса 30 млн еврога баҳоламоқда.