«Liverpul» «PSJ»ning ikki qanot hujumchisi — Bredli Barkola va Ibraima Mbayeni qo‘lga kiritish uchun asosiy da’vogar bo‘lib qolmoqda.
Jurnalist Romen Kolle-Goden ma’lumotiga ko‘ra, «PSJ» 23 yoshli fransiyalik Barkola va 18 yoshli senegallik Mbayeni «Liverpul»ga jami 175 mln yevro evaziga sotishga tayyor.
Shu bilan birga, Barkola «Liverpul» bilan og‘zaki kelishuvga erishganiga qaramay, «Arsenal» ham futbolchi uchun kurashdan chiqqan emas.
Avvalroq «PSJ» Bredli Barkola va Ibraima Mbaye transferlaridan jami 200 mln yevro atrofida mablag‘ ishlab olishni rejalashtirayotgani haqida xabarlar tarqalgan edi.
Transfermarkt portali Barkolaning bozor qiymatini 90 mln yevro, Mbayeni esa 30 mln yevroga baholamoqda.
