Turkiya Superligasining navbatdagi turidan o‘rin olgan uchrashuv — “Amedspor” va “Bashakshehir” jamoalari o‘rtasidagi bahs o‘z nihoyasiga yetdi. “Shilbe” sport majmuasida kechgan bahsda mezbonlar 5:0 hisobidagi yirik g‘alabani qo‘lga kiritdi.

O‘yin mehmonlar uchun umuman kutilmagan ssenariy ostida kechdi. Birinchi bo‘limga qo‘shib berilgan daqiqalarda mehmonlar himoyachisi Emin Bayram o‘z darvozasini ishg‘ol qilib qo‘ygan bo‘lsa, ikkinchi bo‘limda Besnik Hasi shogirdlari Nuri Shahin boshchiligidagi jamoa darvozasiga javobsiz to‘rtta to‘p kiritdi. 52, 56 va 75-daqiqalarda jamoa hujumchisi Gift Orban het-trik qayd etgan bo‘lsa, zaxiradan maydonga tushgan Mbaye Dyan 84-daqiqada o‘yinga yakuniy nuqtani qo‘ydi.

“Bashakshehir” sharafini himoya qiladigan o‘zbekistonlik futbolchilar — Eldor Shomurodov va Abbosbek Fayzullayev uchrashuvni asosiy tarkibda boshladi. Fayzullayev 64-daqiqada o‘z o‘rnini Ivan Brnichga bo‘shatib bergan bo‘lsa, Shomurodov 83-daqiqada Berkay O‘zjanga almashtirildi.

Turkiya Superligasi
“Amedspor” — “Bashakshehir” 5:0
Gollar: 1:0 — Bayram (45+1, avtogol), 2:0 — Orban (52), 3:0 — Orban (56), 4:0 — Orban (75), 5:0 — Dyan (84).
“Amedspor”: Lafont, Umut Merash, Jonatan Beys, Lumbardx Dellova, Ermal Krasniki (Ali Turap Bulbul, 80), Furkan Soyalp (Jem Ustundag, 85), Rayan Raveloson, Mahmud Halil (Amadu Sisse, 63), Dia Saba, Samuel Balle (Rayan Lyuten, 85), Gift Orban (Mbaye Dyan, 80).
“Bashakshehir”: Deniz Dilmen, O‘mer Ali Shahiner (Mixal Karbovnik, 46), Emin Bayram, Jerom Opoku, Kristofer Operi, Yakub Kaluzinski (Bertug‘ Yildirim, 46), Umut Gunesh, Andreas Skov Olsen (Yusuf Sari, 46), Olive Kemen, Abbosbek Fayzullayev (Ivan Brnich, 64), Eldor Shomurodov (Berkay O‘zjan, 83).