«Брайтон» ярим ҳимоячиси Карлос Балеба фаолиятини «Манчестер Юнайтед»да давом эттириши мумкин. Бу ҳақда The Article хабар бермоқда.
Манбага кўра, клублар камерунлик футболчининг трансфери бўйича 84 миллион еврога келишувга эришган. Ушбу суммага бонус тўловлари ҳам киритилган.
Балебанинг ўзи ҳам «Манчестер Юнайтед» билан шахсий шартлар бўйича келишиб олган. Кутилишича, 22 ёшли футболчи яқин 24 соат ичида тиббий кўрикдан ўтади ва Манчестер клуби билан 5 йиллик шартнома имзолайди.
Ўтган мавсумда Балеба барча мусобақалар ҳисобида 35 та учрашувда майдонга тушган, аммо гол ёки голли узатма қайд этмаган.
Transfermarkt портали ярим ҳимоячининг бозор қийматини 55 миллион еврога баҳоламоқда.
