«Brayton» yarim himoyachisi Karlos Baleba faoliyatini «Manchester Yunayted»da davom ettirishi mumkin. Bu haqda The Article xabar bermoqda.

Manbaga ko‘ra, klublar kamerunlik futbolchining transferi bo‘yicha 84 million yevroga kelishuvga erishgan. Ushbu summaga bonus to‘lovlari ham kiritilgan.

Balebaning o‘zi ham «Manchester Yunayted» bilan shaxsiy shartlar bo‘yicha kelishib olgan. Kutilishicha, 22 yoshli futbolchi yaqin 24 soat ichida tibbiy ko‘rikdan o‘tadi va Manchester klubi bilan 5 yillik shartnoma imzolaydi.

O‘tgan mavsumda Baleba barcha musobaqalar hisobida 35 ta uchrashuvda maydonga tushgan, ammo gol yoki golli uzatma qayd etmagan.

Transfermarkt portali yarim himoyachining bozor qiymatini 55 million yevroga baholamoqda.