«Реал» бош мураббийи Жозе Моуринью жамоанинг майдонда ортиқча бўшашиб қолиши муаммосини бартараф этишни устувор вазифаларидан бири деб ҳисобламоқда. Бу ҳақда Diario AS хабар берди.
Манба маълумотига кўра, португалиялик мутахассис «Реал» футболчилари ўйинлар назоратини жуда кўп ҳолларда рақибга топшириб қўяётгани ва гол урганидан кейин ҳаддан ташқари бўшашиб қолаётганидан норози.
Моуринью футболчиларидан учрашувнинг барча дақиқаларида максимал концентрацияни сақлаш ва ўйин интенсивлигини туширмасликни талаб қилмоқчи.
Айни пайтда «Реал» Ла Лига турнир жадвалида 15 очко билан 2-ўринда бормоқда.
Мадридликлар кейинги турда «Атлетико»га қарши майдонга тушади.
