«Real» bosh murabbiyi Joze Mourinyu jamoaning maydonda ortiqcha bo‘shashib qolishi muammosini bartaraf etishni ustuvor vazifalaridan biri deb hisoblamoqda. Bu haqda Diario AS xabar berdi.
Manba ma’lumotiga ko‘ra, portugaliyalik mutaxassis «Real» futbolchilari o‘yinlar nazoratini juda ko‘p hollarda raqibga topshirib qo‘yayotgani va gol urganidan keyin haddan tashqari bo‘shashib qolayotganidan norozi.
Mourinyu futbolchilaridan uchrashuvning barcha daqiqalarida maksimal konsentrasiyani saqlash va o‘yin intensivligini tushirmaslikni talab qilmoqchi.
Ayni paytda «Real» La Liga turnir jadvalida 15 ochko bilan 2-o‘rinda bormoqda.
Madridliklar keyingi turda «Atletiko»ga qarshi maydonga tushadi.
