«Манчестер Сити» ярим ҳимоячиси Бернарду Силва «Барселона»га ўтиши мумкин. Аввалроқ хабар берилганидек, португалиялик футболчи Каталония гранди сафига қўшилиш истагида ёниб турибди.

Манбанинг маълумотларига кўра, «кўк-анорранглилар» «шаҳарликлар»нинг амалдаги сардорини майдон марказида Педрининг ўринбосари сифатида кўришмоқда. Шу тариқа, 31 ёшли хавбекнинг асосий таркибдан доимий жой олиши амримаҳол бўлиши мумкин.

Жорий мавсумда Силва Хосеп Гвардиола жамоаси сафида барча турнирларда 47 та ўйинда майдонга тушиб, ўз ҳисобига 3 та гол ва 5 та голли узатмани ёздириб қўйди. Эслатиб ўтамиз, ушбу мавсум якунида Бернарду эркин агентга айланади.